മരുതയില്‍ ഉരുള്‍പൊട്ടി

മരുതയില്‍ ഉരുള്‍പൊട്ടി ആളപായമില്ല. നാല് വീടുകള്‍ പൂര്‍ണ്ണമായും ഏഴ് വീടുകള്‍ ഭാഗികമായും തകര്‍ന്നു. ഇതു വഴിയുള്ള ഗതാഗതവും താറുമാറായി. കഴിഞ്ഞ രണ്ടു ദിവസമായി തോരാതെ പെയ്യുന്ന മഴയായിരുന്നു ഇവിടെ. കേരള - തമിഴ്നാട് അതിര്‍ത്തിയിലെ ഈ കുടിയേറ്റ ഗ്രാമത്തില്‍, ഉരുള്‍പൊട്ടലില്‍ കനത്ത നാശനഷ്ടമാണുണ്ടായിട്ടുള്ളത്. ഇനിയും ഉരുള്‍പൊട്ടലിന് സാധ്യതയുള്ളതിനാല്‍ സ്ഥലത്തെത്തിയ റവന്യു ഉദ്യോഗസ്ഥര്‍ നിരവധി കുടുംബങ്ങളെ മാറ്റിപ്പാര്‍പ്പിച്ചിട്ടുണ്ട്.