Sunday, April 05, 2009

സ്‌കൂള്‍ വാര്‍ഷികാഘോഷങ്ങള്‍

കാളികാവ്‌: ചോക്കാട്‌ ജി.എം.യു.പി സ്‌കൂള്‍ വാര്‍ഷികാഘോഷവും യാത്രയയപ്പ്‌ സമ്മേളനവും സമാപിച്ചു. വാര്‍ഷികത്തിന്റെ ഭാഗമായി സംഘടിപ്പിച്ച പൂര്‍വാധ്യാപക വിദ്യാര്‍ഥിസംഗമം നിലമ്പൂര്‍ ആയിഷ ഉദ്‌ഘാടനംചെയ്‌തു. പ്രധാനാധ്യാപകന്‍ ഇ.പി.കുര്യാക്കോസ്‌ അധ്യക്ഷതവഹിച്ചു. പഞ്ചായത്തംഗം പുലത്ത്‌ ഹംസ പൂര്‍വാധ്യാപകരെ ആദരിച്ചു. സുരേഷ്‌ തെക്കേടത്ത്‌, എ.കെ.സോമന്‍, എന്‍.സി.ചന്ദ്രശേഖരന്‍, പഞ്ചായത്ത്‌ വൈസ്‌ പ്രസിഡന്റ്‌ ആനിക്കോട്ടില്‍ ഉണ്ണികൃഷ്‌ണന്‍, മരുതത്ത്‌ സൈനുദ്ദീന്‍, പി.ടി.എ പ്രസിഡന്റ്‌ മേച്ചേരി മൊയ്‌തീന്‍ എന്നിവര്‍ പ്രസംഗിച്ചു. 
വാര്‍ഷികസമ്മേളനവും യാത്രയയപ്പും ജില്ലാപഞ്ചായത്തംഗം പി.ഖാലിദ്‌ ഉദ്‌ഘാടനംചെയ്‌തു. ചോക്കാട്‌ പഞ്ചായത്ത്‌ പ്രസിഡന്റ്‌ പുലത്ത്‌ ഹഫ്‌സത്ത്‌ അധ്യക്ഷതവഹിച്ചു. വിരമിക്കുന്ന അധ്യാപകര്‍ക്ക്‌ ജില്ലാ പഞ്ചായത്തംഗം കെ.പി. ജല്‍സീമിയ ഉപഹാരം നല്‍കി. ബ്ലോക്കംഗം പൊന്നമ്മ അവാര്‍ഡ്‌ദാനം നടത്തി. വണ്ടൂര്‍ എ.ഇ.ഒ കെ.വി.കൃഷ്‌ണനുണ്ണി, വാര്‍ഡംഗം ഫസ്‌ല, ശ്രീനിവാസന്‍ എന്നിവര്‍ പ്രസംഗിച്ചു

No comments: